ਜੇ ਰੱਬ ਕੋਈ ਮੈਨੂੰ ਵਰ ਦੇ ਦੇਵੇ ,
ਕੀ ਮੈਂ ਇਕ ਹੋਰ ਜਨਮ ਪਾ ਜਾਵਾਂ,
ਉਸਦੇ ਦਿਲ ਦੀ ਜਾਨਣ ਲਈ ,
ਆਪਣਾ ਇਕ ਮੈਂ ਰੂਪ ਸਜਾਵਾਂ .
ਰੱਬ ਕਰੇ ਮੈਂ ਇਕ ਕਣੀ ਬਣ ਜਾਵਾਂ ,
ਉਸਦੇ ਮੁੱਖ ਦੀ ਛੋ ਪਾ ਜਾਵਾਂ ,
ਵਜੂਦ ਆਪਣਾ ਗਵਾਉਣ ਤੋਂ ਪਹਿਲਾਂ ,
ਉਸਦੇ ਅੱਥਰੂ ਧੋ ਮੈਂ ਜਾਵਾਂ .
ਰੱਬ ਕਰੇ ਉਸਦਾ ਸੁਪਨਾ ਬਣਾ ਮੈਂ ,
ਉਸਦੀ ਸੁੰਦਰ ਰਾਤ ਘੜਾ ਮੈਂ ,
ਉਸਦੇ ਮਨ ਵਿਚ ਗੋਤੇ ਖਾਵਾਂ ,
ਉਸਦੀਆਂ ਖੁਸ਼ੀਆਂ ਵਿਚ ਹੜਾ ਮੈਂ ,
ਰੱਬ ਕਰੇ ਉਸਦੀ ਯਾਦ ਬਣਾ ਮੈਂ ,
ਪਰ ਸਾਹ ਮੇਰੇ ਇਹ ਰੁਕਦੇ ਕਿਓਂ ਨੀ ,
ਯਾਦ ਓਹਦੀ ਦੇ ਦਿਲ ਭਾਂਬੜ ਬਲਦੇ ,
ਪਰ ਹੱਡ ਮੇਰੇ ਇਹ ਧੁਖਦੇ ਕਿਓਂ ਨੀ ,
ਫ਼ੱਟ ਇਸ਼ਕ਼ ਦੇ ਸੀਨੇ ਬਹੁਤ ,
ਪਰ ਫਿਰ ਵੀ ਇਹ ਦੁਖਦੇ ਕਿਓਂ ਨੀ .
ਰੱਬ ਕਰੇ ਇਕ ਬਦਲੀ ਬਣ ਜਾਵਾਂ ,
ਜੋ ਓਹਦੇ ਪੇਰੀ ਵਰ ਜਾਏ ,
ਓਹਦੇ ਬੁਲਾਂ ਤੇ ਮੇਰਾ ਨਾਮ ਲਿਆਵੇ ,
ਜੋ ਇਕ ਆਸ ਦਾ ਟੋਭਾ ਭਰ ਜਾਏ ,
ਜੇ ਓਹਦੇ ਮੱਥੇ ਸ਼ਿਕਨ ਬਣੇ ਤਾਂ ,
ਦੂਰ ਥਲੀ ਕਿਤੇ ਮਰ ਜਾਏ ,
ਰੱਬ ਕਰੇ ਓਹਦਾ ਵੀ ਏਹੋ ਹਾਲ ਹੋਵੇ ,
ਚੱਤ-ਪਹਰ ਮੇਰਾ ਹੀ ਖਿਆਲ ਹੋਵੇ ,
ਮੇਰੀ ਉਡੀਕ ਕਰਦਿਆਂ ਗੁਜਰਿਆ ,
ਓਹਦਾ ਵੀ ਚੌਥਾ ਸਾਲ ਹੋਵੇ ,
ਰੱਬ ਕਰੇ ਇਕ ਫੁਲ ਬਣ ਜਾਵਾਂ ,
ਜੋ ਓਹਦੇ ਨੈਣੀ ਖਿਲ ਜਾਵਾਂ,
ਖਿਆਲਾਂ ਓਹਦਿਆਂ ਵਿਚ ਜਾ ਕੇ ,
ਸ਼ਾਇਦ ਖੁਦ ਨੂੰ ਹੀ ਮਿਲ ਜਾਵਾਂ .
****0****
ਕੁਝ ਤਾਂ ਗਲ ਹੈ
ਕੁਝ ਤਾਂ ਗਲ ਹੈ
ਸਾਹ ਇਹਨੇ ਨਿਘੇ ਨੀ ਹੁੰਦੇ?
ਉਸ ਅੰਦਰ
ਕੋਈ ਤਾਂ ਲਾਟ ਹੈ
ਕੋਈ ਨਾ ਕੋਈ ਸਾੜ੍
ਤਾਂ ਜ਼ਰੂਰ ਹੋਵੇਗਾ
ਬਿਨਾ ਅੱਗ ਤੋਂ ਤਾਂ
ਧੂਆਂ ਨਹੀ ਉਠਦਾ
ਇਸ ਅਗਨੀ ਦੀ ਵੀ
ਕੋਈ ਵਜਹ ਹੋਵੇਗੀ
ਉਂਝ ਤਾਂ ਨਹੀ ਕੋਈ ਤਪਦਾ
ਕੋਈ ਤਾਂ ਗਲ ਜ਼ਰੂਰ ਹੈ
ਜੋ ਇਸ ਸਰਦ ਰੁੱਤੇ
ਉਸਦੇ ਬੋਲਾਂ ਨਾਲ
ਧੂਆਂ ਉਠਦਾ ਹੈ
ਗੁਰਲਾਭ ਸਿੰਘ 09501101693
No comments:
Post a Comment