ਗੀਤ
ਕਦੇ ਮੇਰਿਆਂ ਨੈਣਾਂ ਦੇ ਨਾਲ ਖੁਦ ਨੂੰ ਨਿਹਾਰ ।
ਪਹਿਲੀ ਤੱਕਣੀ ,ਚ ਤੈਨੂੰ ਹੋ ਜਾਣਾ ਪਿਆਰ ।
ਮੁੱਖ ਲੱਗਦਾ ਹੈ ਜਿਵੇ ਹੋਵੇ ਖਿੜਿਆ ਗੁਲਾਬ ।
ਦੋ ਨੈਣਾਂ ਵਿਚੋਂ ਡੁੱਲ ਡੁੱਲ ਪੈਂਦੀ ਏ ਸ਼ਰਾਬ ।
ਚਿੱਟੇ ਦੰਦ ਜਿਵੇ ਮੋਤੀ ਘੜੇ ਕਿਸੇ ਸੁਨਿਆਰ ।
ਜਦੋਂ ਪੁਰੇ ਦੀ ਹਵਾ ,ਚ ਤੇਰੇ ਵਾਲ ਉੱਡਦੇ ।
ਸੱਚ ਜਾਣੀ ਦੇਖ ਬੱਦਲਾਂ ਦੇ ਹੋਸ਼ ਉਡਦੇ ।
ਇੰਝ ਜਾਪੇ ਜਿਵੇ ਹੋਣੀ ਹੁਣੇ ਪਿਆਰ ਦੀ ਫੁਹਾਰ ।
ਤਾਜੇ ਫੁੱਲਾਂ ਵਾਂਗੂੰ ਮਹਿਕੇ ਤੇਰਾ ਇੱਕ ਇੱਕ ਅੰਗ ।
ਤੇਰੀ ਸ਼ਰਮ ਹਿਆ ਨਾਲੇ ਚੰਗੀ ਲੱਗੇ ਸੰਗ ।
ਤੇਰੇ ਜੋਬਨੇ ਦੇ ਵਿੱਚ ਇੱਕ ਵੱਖਰਾ ਖੁਮਾਰ ।
ਮੇਰੀ ਇਕੋ ਹੀ ਦੁਆ ਤੈਨੂੰ ਲੱਗੇ ਨਾ ਨਜ਼ਰ ।
ਰੱਬ ਕਰੇ ਤੈਨੂੰ ਲੱਗ ਜਾਵੇ ਮੇਰੀ ਵੀ ਉਮਰ ।
ਮੇਰੇ ਵਿਹੜੇ ਵਿੱਚ ਆ ਜਾ ਕਦੀ ਕਰਕੇ ਸ਼ਿੰਗਾਰ ।
ਅਵਤਾਰ ਸਿੰਘ ਸੰਧੂ
No comments:
Post a Comment